កូរ៉េខាងត្បូង​តវ៉ា​ជុំវិញ​ការ​ឈ្លានពាន​តំបន់​ការពារ​ដែនអាកាស​របស់​រុស្ស៊ី និង​ចិន

 

សេអ៊ូល៖ ក្រសួងការពារជាតិកូរ៉េខាងត្បូង បានឲ្យដឹងនៅថ្ងៃសុក្រ ទី១៥ ខែធ្នូ ថា ខ្លួនបានសម្តែងការសោកស្តាយ និងបានធ្វើការតវ៉ាមួយទៅកាន់ប្រទេសចិន និងរុស្ស៊ី ជុំវិញការឈ្លានពានតំបន់ការពារដែនអាកាសរបស់ខ្លួន ដោយយន្តហោះយោធារបស់ប្រទេសជិតខាង កាលពីថ្ងៃព្រហស្បតិ៍។

ក្រសួងបានលើកឡើងនៅក្នុងសេចក្តីថ្លែងការណ៍មួយថា ការតវ៉ានេះត្រូវបានបញ្ជូនដោយប្រធានការិយាល័យគោលនយោបាយអន្តរជាតិរបស់ក្រសួងទៅកាន់មន្ត្រីជំនួយការយោធាដែលឈរជើងនៅស្ថានទូតចិន និងរុស្ស៊ីក្នុងទីក្រុងសេអ៊ូល។

ក្រសួងបានសម្តែងការសោកស្តាយចំពោះប្រទេសទាំងពីរចំពោះការហោះហើរនៅជិតដែនអាកាសរបស់យើងលើតំបន់រសើបដោយមិនបានជូនដំណឹងជាមុន។

កូរ៉េខាងត្បូង និងជប៉ុន បានវាយលុកយន្តហោះចម្បាំង នៅពេលដែលយន្តហោះយោធាចិន ២គ្រឿង និងរុស្ស៊ី ៤គ្រឿង បានហោះពីលើសមុទ្ររវាងប្រទេសទាំងពីរ ហើយចូលទៅក្នុងតំបន់ការពារដែនអាកាសរបស់ពួកគេ។

តំបន់កំណត់អត្តសញ្ញាណការពារដែនអាកាស គឺជាតំបន់មួយដែលប្រទេសនានាអាចទាមទារឯកតោភាគីឱ្យយន្តហោះបរទេសចាត់វិធានការពិសេសដើម្បីកំណត់អត្តសញ្ញាណខ្លួនឯង នេះបើយោងតាមអង្គការអាកាសចរណ៍ស៊ីវិលអន្តរជាតិ។

ប្រភព៖ CNA