នាព្រឹកថ្ងៃទី២៧ ខែមិថុនា ឆ្នាំ២០២៥ ក្រុមការងារចុះមូលដ្ឋានស្រុកចិត្របុរី ទទួលបានអំណោយរទះរុញចំនួន ១០គ្រឿង ដែលជាអំណោយដ៏ថ្លៃថ្លារបស់ ឯកឧត្តម នេត្រ ភក្ត្រា រដ្ឋមន្រ្តីក្រសួងព័ត៌មាន និងជាប្រធានក្រុមការងារចុះមូលដ្ឋានខេត្តក្រចេះ តាមរយៈ ឯកឧត្តម សុខ ចាន់ភក្តី រដ្ឋលេខាធិការក្រសួងព័ត៌មាន និងជាប្រធានក្រុមការងារចុះមូលដ្ឋានស្រុកចិត្របុរី ដើម្បីយកមកចែកជូនដល់ លោកតា លោកយាយ និងជនពិការដែលស្នើសុំ និងតម្រូវការប្រើប្រាស់រទេះរុញចាំបាច់។ ដោយជាការឆ្លើយតបក្រុមការងារ តំណាងដោយ ឯកឧត្តម សុខ​ ចាន់ភក្តី ជំនួសមុខឱ្យបងប្អូនប្រជាពលរដ្ឋ សូមថ្លែងអំណរគុណ ឯកឧត្តមរដ្ឋមន្រ្តី ដោយសូមប្រសិទ្ធពរជ័យជូនដល់ឯកឧត្តមរដ្ឋមន្ត្រី និងលោកជំទាវ ព្រមទាំងក្រុមគ្រួសារមានសុខភាពល្អបរិបូរណ៍ និងសម្រេចជោគជ័យលើភារកិច្ចការងារជាបន្តបន្ទាប់។