ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅព្រឹកថ្ងៃទី២ ខែមែសា ឆ្នាំ២០២៦នេះ បានអញ្ជើញជាអធិបតីភាពជួបសំណេះសំណាលជាមួយតំណាងស្ថានីយ៍វិទ្យុ FM ឯកជន។ ជំនួបនេះបានធ្វើឡើងនៅសាលព្រះវិហារ នៃទីស្តីការក្រសួងព័ត៌មាន ដោយមានការអញ្ជើញចូលរួមពីសំណាក់ឯកឧត្តម រដ្ឋលេខាធិការ អនុរដ្ឋលេខាធិការ អគ្គនាយកសោតទស្សន៍ អគ្គនាយិកាវិទ្យុជាតិកម្ពុជាជាដើម។ គួរឱ្យដឹងថា ឯកឧត្តម នេត្រ ភក្ត្រា តែងតែជួបពិភាក្សាជាមួយតំណាងវិទ្យុ និងប្រព័ន្ធផ្សព្វផ្សាយឯកជន ដើម្បីពង្រឹងទំនាក់ទំនង លើកកម្ពស់ក្រមសីលធម៌វិជ្ជាជីវៈ និងដោះស្រាយកង្វល់នានារបស់វិទ្យឯកជន នៅក្នុងដំណាក់នៃការរីកចម្រើនផ្នែកប្រព័ន្ធផ្សព្វផ្សាយបែបទំនើប។ រូបថត៖ ខឹម សុវណ្ណារ៉ា