គ្រួសារជនពិការភ្នែក និងប្រជាពលរដ្ឋខ្វះខាតក្នុងមូលដ្ឋាន បានអញ្ជើញមកទទួលរបបឧបត្ថម្ភប្រចាំខែ និងអង្ករ ដែលទទួលបានការឧបត្ថម្ភពី ឯកឧត្តម ម៉ៅ ធនិន អភិបាលខេត្តកំពត

ថ្ងៃទី២៥ ខែសីហា ឆ្នាំ២០២៦នេះ គ្រួសារជនពិការភ្នែក និងប្រជាពលរដ្ឋខ្វះខាតក្នុងមូលដ្ឋាន បានអញ្ជើញមកទទួលរបបឧបត្ថម្ភប្រចាំខែ និងអង្ករ ដែលទទួលបានការឧបត្ថម្ភពី ឯកឧត្តម ម៉ៅ ធនិន អភិបាលខេត្តកំពត។ ក្នុងនោះ គ្រួសារពិការភ្នែកក្នុងម្នាក់ៗទទួលបានថវិកា ២០ម៉ឺនរៀល អង្ករ និងទឹកត្រីជារៀងរាល់ខែ ព្រមទាំងមានការចែកជូនអង្ករដល់ពលរដ្ឋខ្វះខាតផងដែរ។

សកម្មភាពនេះ បានស្តែងឱ្យឃើញយ៉ាងច្បាស់ពីការយកចិត្តទុកដាក់ខ្ពស់ របស់ថ្នាក់ដឹកនាំខេត្ត ដែលតែងតែគិតគូរពីសុខទុក្ខ និងជីវភាពរស់នៅរបស់ប្រជាពលរដ្ឋ ពិសេសជនងាយរងគ្រោះ ដើម្បីធានាថាគ្មានបងប្អូនណាម្នាក់ត្រូវបោះបង់ចោល ឬខ្វះស្បៀងអាហារឡើយ៕