នាព្រឹកថ្ងៃសៅរ៍ ៦កើត ខែស្រាពណ៍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១០ ខែសីហា ឆ្នាំ២០២៤ ឯកឧត្តម ឧត្តមសេនីយ៍ឯក សុខ វាសនា អគ្គនាយក នៃអគ្គនាយកដ្ឋានអន្តោប្រវេសន៍ តំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋន្ត្រីក្រសួងមហាផ្ទៃ បានអញ្ជើញចូលរួមជាវាគ្មិនកិត្តិយសក្នុងកម្មវិធី “មនសិការពលរដ្ឋល្អ“ ក្រោមប្រធានបទ “ភាពជាអ្នកដឹកនាំ និងតួនាទីរបស់យុវជនក្នុងសង្គមជាតិ” ដែលរៀបចំឡើងដោយសហភាពសហព័ន្ធយុវជនកម្ពុជា សហការជាមួយក្រសួងអប់រំ យុវជន និងកីឡា នៅសាលប្រជុំនៃសាកលវិទ្យាល័យជាតិបាត់ដំបង ដោយមានការចូលរួមពីសមាជិកសហភាពសហព័ន្ធយុវជនខេត្តបាត់ដំបង លោកនាយក លោកគ្រូអ្នកគ្រូ សិស្ស និស្សិតសរុប ៥២០នាក់ ប្រកបដោយបរិយាកាសស្និទ្ធស្នាល និងរីករាយក្រៃលែង។
